زوّادة اليوم:
من الحِكم الحلوة كتير و المعبّرة منذكر:
اذا منتأمّل بالطبيعة ما في شي بيعيش لنفسو، مثلا النهر ما بيشرب من ميّاتو، الوردة ما بتشم ريحتها، الشجرة ما بتاكل من الفواكه اللي بتعملن، البقرة ما بتشرب الحليب اللي بتنتجو، الشمس ما بتضوّي لإلها...و الأمثلة كتيرة! اليوم نحنا مدعوّين نتصرّف متل عناصر الطبيعة و نعيش حياتنا بدون انانيّة و نكون دعم لغيرنا و نستعمل قدراتنا حتّى نساعدن و نكون حدّن و هنّي نفس الشي...اذا تحقّق هالشي بتصير الدني بألف خير!! الله معكن
