زوّادة اليوم: بلُش من أمور السّما
بيخبرو عن زلمي عايش بضيعة بيوم من الإيام عزمو رفيقو من المدينة يجي لعندو. هنّي و ماشيين بهالشوارع و العجقة برم اللي جايي بالضيعة و قلّو لرفيقو سامع صوت حشرة. ضحك رفيقو و قلّو مستحيل تسمع هيك شي بهالضجة انت عم تتخايل اكيد. جاوب: طيّب مش مصدّقني رح اثبتلك انّو معي حق. حمل قطعة مصاري معدنية و كبها عالأرض عملت صوت خفيف كتير بس الغريب انّو كذا شخص حولن برمو و اتطلّعو عالقطعة النقدية اللي وقعت!
ابتسم اللي جايي من الضيعة بثقة و قال لرفيقو: شفت؟ ما بيتنبه الناس الا للصوت اللي بيهمّن و بيعبّر عن اولوياتن بالحياة، هالعالم بيهتمّو بالمال و انا بهتم بالأشجار و الحشرات و الحيوانات!
الزوّادة اليوم بتقلّك نظّم اولوياتك و اهتماماتك بلّش من امور السما بعدين اهتم بالأرضيات...الله معكن
