[Rena Jesus]

عارفين الحياة هتبتدي تظبط امتى ؟؟
لما نعمل بس الحاجات اللي احنا بنحبها... نعملها بشغف .... بمتعة .... بضمير .....
لما نقول بس اللي احنا مقتنعين بيه ... من غير منجمل رأينا ولا نزيفه عشان خاطر حد ....

لما نبطل نضيع وقتنا مع ناس مش شبهنا .... مبنتبسطش في قعدتهم ولا في وجودهم ...
لما نبطل نسأل الناس مالكوا؟؟؟ متغيرين ليه ؟؟؟

لو مقتنع انه مفيش سبب وواثق أنك معملتش حاجة تأذيهم ... امشي .... امشي و بس .. متبصش ورا ...
لما نبطل نقارن حياتنا بحياة الناس اللي حوالينا ...
لما نفصل الطموح عن الرضا .... اسعى ... اكبر ... عافر .... اقع عشرين مرة .. بس قوم واحد وعشرين مرة ......



لما نعيط ... كتير .... العياط حلو ... بينضف ... و يريح .....
لما نقول .... أسفين ... احنا غلطنا ....
لما نهتم بشكلنا و بمظهرنا و صحتنا و نلعب رياضة ....
لما نبطل نعتبر الناس كّبري .... بنعدي منه أزماتنا النفسية و العاطفية و المادية ......
لما نسمع الناس كويس ...... و نعاشر ناس بتسمعنا كويس .....
لما نبطل نقيد نفسنا بنظرات الناس لينا و فكرتهم عننا ...



احترامك الناس ليك مفروض يبقى نابع من تعاملاتك الشخصية معاهم و مواقفك معاهم ....
بس غير كده ... محدش ليه عندك حاجة ....

اللي يحكم عليك من كلام حد ولا احساس حد عنك ....

ده مش عالخريطة أصلا .... ده كائن بوهيمي تافه ....
لما نصون العشرة ... ووجود الناس يفرق في حياتنا ....

مش كله شبه بعضه .. سوسو زي كوكو زي شوشو زي فوفو .....


لما نسامح الناس اللي بنحبها على أغلاطهم البسيطة ... و نمسك فيهم .....
لما نتعلم من أغلاطنا .... بجد ..... و نحاول منكررهاش ...
لما نصدق أننا ممكن نتغير .... و نبقى أحسن .. و أقوى ... أو .. أسوء ... و أضعف ....
لما نجلد نفسنا ... كل يوم ..... و منضحكش عليها .... و نلعب دور الملايكة .....
لما نتصالح مع ماضينا بكل سيئاته ... ان الله غفور رحيم .....
لما نقدر قيمة الحياة .... و نبطل نخاف من الموت ... أو نستناه ....