[walaa farouk]

أكد لي أن واحد اهانني، شوية و عرفت ان اللي قال لي هو نفسه اللي شتمني !!

طول النهار يجيب سيرة الناس قدامي بكل شر ،
عرفت بعدين انه قال علي اسوأ كلام قدام غيري..

شايف كل الناس بعيدة عن ربنا و بوشين،
يومين و لقيته سايب القداس رغم انه شماس كبير
، وواقف في الحوش يضحك بأعلي صوته مع اصحابه
و النكت و القهقهة مغطية علي صوت الصلاة !!

خبر شكله مثير علي النت أو الفيس بوك و كل الناس مشيراه،
و بعد كام دقيقة تقرأ عكسه و تكتشف أنه إشاعة
، أو شوية كلام مكتوب لمجرد ان الناس تقوله بقا تمام كده وصدقته ومتحققوش و هما بينقلوا الخبر ..

مش كل اللي تسمعه تصدقه ؛ اسمع مرة و فكر عشر مرات ..