[walaa farouk]

"مححححححكمة" .. كلمة بيقولها الحاجب بصوت جهوري،
فيقوم كل الموجدين في قاعة المحكمة ..
ويفُطُّوا منطورين أول ما القاضي يبدأ الجلسة .. القاضي له رهبة برضه، وكلامه موَّقر .
. اللي بيقوله بيتسمع ويتنفذ .. ده هو اللي في إيده الحكم النهائي .
. سواء كان فيه عدل او ظلم .. بالرغم من إنه في نهاية الأمر، بني آدم زينا ..
بس لما القاضي الأعظم، ملك الملوك ورب الأرباب، أعلى سلطة قضائية في كل الكون
.. "الجالس على كرة الأرض" .. يستمع الى عريضة الدعوى بتاعتك
.. المذكور فيها كل الذنوب والخطايا اللي عملتها واللي راعيتها في قلبك على مر السنين
.. وبعدين بدل ما يحكم عليك بحكم قاسي أبدي ..
تستحقه، يقولك "هلم نتحاجج .. إن كانت خطاياك كالقرمز (شديدة الدموية) .
. تَبْيَضُّ كالثلج" إشعياء ١: ١٨ .. ده يبقى إيه؟؟؟
نتحاجج؟؟ هو أنا ممكن يكون عندي حجة تبرر عمايلي؟؟
ولو حتى ندمان، هأعمل إيه في العقاب اللي أستحقه بجدارة؟؟
بس القاضي بتاعنا مزج العدل بالرحمة ..
وعلشان عارف إننا مش هنقدر نعمل حاجة، هو عمل كل حاجة على الصليب ..
"لأنَّهُ هكذا أحَبَّ اللهُ العالَمَ حتَّى بَذَلَ ابنَهُ الوَحيدَ، لكَيْ لا يَهلِكَ كُلُّ مَنْ يؤمِنُ بهِ،
بل تكونُ لهُ الحياةُ الأبديَّةُ. لأنَّهُ لَمْ يُرسِلِ اللهُ ابنَهُ إلَى العالَمِ ليَدينَ العالَمَ
، بل ليَخلُصَ بهِ العالَمُ. الّذي يؤمِنُ بهِ لا يُدانُ،
والّذي لا يؤمِنُ قد دينَ، لأنَّهُ لَمْ يؤمِنْ باسمِ ابنِ اللهِ الوَحيدِ" يوحَنا ٣: ١٦