[walaa farouk]

برغم وجودها السنه كلها وبرغم ان وجودها اوقات يبقى شديد ومتعب
الا ان فى ايام وليالى البرد بنجرى عليه ونحتمى فى دفاها .."الشمس"
قيمتها بتتعرف وقت الحرمان والبرد والتكتكه ..دورى على ناس تدفى قلبك وقت برد الغياب
.. وتأنس ساقعه وحدتك ..ناس ترشد وتشاور وقت غيمة وشبوره الطريق.
. ناس وقت لما تتوهى تظهر بنورها وترسم مسار سكتك من جديد
.. ناس جوه مجال نورها ينشف عضمك ويتشد ..ناس مش محتاجين يتطلبوا علشان يبقوا موجودين
..ناس عارفين دورهم وعارفين ان جواهم نور لازم ينشروه ويخرج للكل..
.ناس لما نحيد ونبعد يرجعونا بشدتهم اللطيفه ومصارحتهم اللى مبتجرحش وحزمهم اللى مبيقساش
ناس .ينخربوا فينا بعد اذننا ويستاذنونا فى الدخول جوه بيوت قلوبنا لما نفتحلهم الباب
.ناس يخترقونا بالنور مش بكسرحدودنا ...
..دورى على اللى بيقعدوا قدام الشمس اللى مبتغبش ولا تروح
ولا اللى تحت سيطره الظروف اللى راحتهم فى حضرته وقدامه
.ناس مصدقين ان نورهم مش منهم لكن من قعدتهم قدام نور وجهه
..دفاهم مش من قلبهم لكن من دفا احضانه الللى بيخدوها منه كل يوم .
.دورى على ناس يعرفوا يجبوكى من ايدك كل يوم ويحطوكى قدامه "..قدام بابا " الله
دورى على اللى النهارده بيدفوكى .
.واللى بكره بعد ما يغيبوا ويمشوا عرفوا يعلموكى تكونى انتى الشمس فى سما بردانيين تانيين مستنياكى وبنورك تتجب ناس تانى قدام الشمس اللى مبتغبش والنور اللى مبينتهيش قدام .."بابا" الله 😍😍