[walaa farouk]

"محدش بيموت ناقص عمر ✋ ..
لا يوم زيادة ولا يوم ناقص.. كله مكتوب📝."...
صحيح محدش بيموت ناقص عمر بس كتير بيموتوا ناقصين حب 💑..
ناقصين كلمة حلوة🌷..ناقصين حضن💏..
ناقصين حد يقولهم انهم مهمين علي تفاهة حياتهم...
انهم حلوين👍 علي الرغم من علامات حرب الحياة عليهم..
. كتير بنموت ناقصين حلم تافه يمكن يضحك غيرنا بس كنا شايفينه 👀هيغير حياتنا .
او حلم كبير يمكن اكبر مننا بس كنا شايفين نفسنا قده..
كتير بنموت ناقصين كلام كان المفروض نقوله وسكتنا🙊 وكلام ياريتنا كنا سكتنا🙊 وماقلنهوش..
لحظات ماعشنهاش..
ناس كان ياريت قابلناها و ماقابلنهاش وناس وحشة ياريتها ماتحطت في طريقنا و وقعنا فيهم...
في ناس بتموت ناقصة صور وناقصة ذكريات وناقصة ضحك وناقصة سعادة 😊
وناقصة تسيب اثر وراها ريحته فل🌷 وياسمين🍁..
ناس بتعيش جبارة وتموت مكسورة 😔وناس بتعيش مكسورة و جبر خواطرها عند ربنا ...
صحيح مش بنموت ناقصين عمر بس ساعات بنموت ناقصين حاجات كتير في العمر ده.
عشان كده حاول لما يومك ييجي تكون فعلا مش ناقص عمر ..
عرف اللي بتحبهم💑 انهم مهمين..
حب من قلبك❤ و اتمسك باللي بيحبك.
روح اماكن .. اعمل ذكريات... اضحك كتير وعيط لو ده هيريحك..
ماتكملش مع ناس قاسيين ولا ناس بتاذيك ،.
شجع اللي حلمه عبيط وادي ثقة للي حلمه كبير ..
اجبر بخاطر الكل..
خليك اللي بيقولوا عليه يضرب برجله في الارض تطرح خير 🌿🌾🌽🌼..
عيش حياة كاملة ًوساعد غيرك يعيش زيك.
وخلي الجملة دي دايما قدامك:
"لو دخل كُلٌّ منّا قلب❤َ الآخر لأشفقَ عليْه."...
ساعد نفسك و غيرك
عيش حياة كاملة هتلاقي انه فعلا محدش بيموت ناقص عمر..