[walaa farouk]

كتير الايام دي بتكون جوايا صرخة
بشعر انها دموع المسيح في قلبي وخاصة
وانا بصلي او رايح خدمات
.. وكأنه بيعاتبني وبيعاتب أولاده ويقول :

هي دي الحياة اللي انتوا عايشينها اللي انا جيت واتبهدلت
وبذلت كل دمي علشان تعيشوها ! .
. انا جيت علشان تعيشوا الحياة اللي عيشتها وأعظم منها
.. بدل ما تغيروا حياة الاف تغيروا الملايين
.. وانتوا عايشين حياة اقل من مستوي العالم
ولم ترتقي لبعض من حياة اولاد العالم
.. عشمي انكم تعيشوا الميل التاني اللي فوق الطبيعي
.. لكن لسه ماحصلتوش حتي الميل الاول الطبيعي !

ارجعوا يا اولادي وعيشوا لخدمة العالم مش لمحبة العالم ..
لعطاء العالم مش الانتظار منه .
. للحياة بالروح مش بالجسد ..
عيشوا الحياة اللي تليق بكل قطرة في دمي
.. املي انكم مش بس تعيشوا حياتي وخدمتي وتعاليمي
لكن تعيشوها وأعظم منها .. ارجعوا اسكنوا في تاني فتجدوا راحة لنفوسكم وتكونوا مثمرين وحياتكم ليها قيمة
ورائحتي الذكية تفوح منكم لكل العالم .

ارجعوا وعيشوا حياة تليق بتجسدي وتعبي وبذلي
ودمائي وموتي وقيامتي .. علي مستوي يومكم وعلاقاتكم وخدماتكم وتعاملكم وثمركم .

انتم مدعوين ان تعيشوا حياة لا تتخيلوها .
. ليس بحسب عطايا العالم ولكن بحسب القيمة الحقيقية والثمر العظيم .

هوذا منذ الان الوقت مقصر ، فإغتنموا عمركم في محضري
.. حوشوا زيت من كل مكان ، ووزعوا زيت لكل المحتاجين ..
اجعلوا هذا اهتمامكم الاول .