[walaa farouk]

الله مش هايرفعك فوق ضعفاتك
، طول مانت مش عايز تحتمل عيوب وضعف اخواتك .

ومش هايفتح الابواب المقفولة
، طول مانت قافل الابواب قصاد الشخصيات
والحالات الصعبة اللي عايزك تخدمها .

ومش هيبارك في وقتك وحياتك ومادياتك ،
طول مانت بختار ارض الراحة و تهرب من الأمور والمهام الصعبة في مشيئته اللي جواها البركة .

ومش هاتدوق الراحة الحقيقية ، غير لما تحمل نيره عليك .
. كل اما بتزيح نيره بترتاح راحة مزيفة وتتعبك بعدها .

عايز ارتفاع .. ارفع اخواتك بعيوبهم في نظرك ولا تحتقرهم
. عايز ابواب مفتوحة .. افتح بابك للامور والمهام والحالات الصعبة اللي يحاول يكلفك بيها الله .
عايز راحة حقيقية .. اتعب في خدمته وعمله واحمل نيره .
عايز نصرة وترميم .. اسند المكسورين واهتم بيهم .
عايز بركة .. ماتهربش من تحديات وامور صعبة لاراضي سهلة لان من اعماق الصخر هايخرج مياه ومن اعماق المشيئة الصعبة هاتدوق البركة .

مفيش امور معجزية بتحصل لينا من السما .
. بدون ما ندفع التكلفة .

وكما تدين تدان .. وبالكيل الذي تكيل به يكال لك .
مش معناها الحساب في السما ..
لكن معناها ان زي ما بتتعب هترتاح .
. وزي ما بتعمل مع اخواتك هايعمل معاك .

عرفتوا ليه عمالين نصرخ ونقول السما مقفولة علينا ..
وربنا قافل بركاته علينا !