[walaa farouk]

.. لو ده جنان اتجنن

•• تعالي وانت في عز الحرب عليك والحرب النفسية والظروف تضرب تقلب ومش فاهم حاجة
.. وافضل سبح ورنم واعمل فرح في اوضتك ولا كأنك في اعظم فرح ..
سبح واهتف ومجد الله وصدق واشكر وافتكر احساناته في الماضي
وتوقع احسانات المستقبل وكمل تسبيح وهتاف ..
داود عمل كدة قبلك وقت ما شاول كان بيطارده علشان يقتله
وهو مختبئ سبح الله وكتب المزمور الفرايحي الشهير "سبحوا الله في جميع قديسيه" .

•• تعالي وانت في عز وحل الخطية .. بدل ما تجلد ذاتك في الشعور بالذنب ..
والشعور بالذنب بيوهمك انك بتبكت نفسك وهو بيقودك لمزيد من الغرق اكتر ..
تعالي وانت في عمق خطيتك واثمك وامسك في ربنا واحضنه
وهيم فيه واشكره انك قدامه مقبول طالما دخلت لحضنه ورجعت عن اللي انت فيه .
. وماتبصش لورا بص دايما لقدام كل ما تقع اجري عليه حول عينك عليه
وكل ما تعمل كدة بكل قلبك هيديك نصرة اكتر في اللي جاي .
. كل اما تعتمد علي نفسك هاتقع وبعد ما يحضنك ..
قرر دايما انك محبوب وانه بيحبك وفخور بيك وانه في صفك واانه متعاطف معاك ضد سقوطك .

•• هات حد بيكرهك او مزعلك وتاعبك .. واركع وصلي من اجله بدموع كأنه واحد حبيبك وواقع في مشكلة .
. واطلب ليه خير ورحمة ومجد .. وصلي له صلاة انت نفسك تتمني ان حد يصليها لك ..

النعمة مش بيديها غير للي بيتنازل وينزل ويتضع .. يتنازل عن ذاته ويخرج برة حزنه وانحصاره في نفسه .

كل اما تعمل ال 3 جنان دول
هايديك نعمة كبيرة تنتصر بيها