[بنت معلم الاجيال]

شفاء من ضمور في العين ( أ. أ. / نجع حمادي ):



أنا بشكر الشهيد بيشوى وأبو سيفين والبطل مارجرجس لأنهم عملوا معجزة فوق الخيال . أنا رحت أكشف على إبنتي عند دكتور عيون ، وهناك لقيت واحدة جايبة أشعة لمامتها والدكتور قالها : للأسف عندها ضمور فى العين وملهاش علاج والمرض ده إسمه (حرامي العيون) لأنه يدخل ويسرق في أي لحظة ويحدث العمى (عمى جزئي نتيجة لوجود بقع عمياء بسبب وجود تقوس علوي وسفلي في الشبكية بالعينين الإثنين ومقياس مجال الرؤية هو 76% ، 81% ) . هنا البنت وجوزها إنهارت أعصابهم وحالتهم بقت زفت، فأخذت رقم تليفونها وقلت لها : روحى للدكتور فتحى فوزى، وهي راحت لعشر ة دكاترة وكلهم أثبتوا وجود الضمور وأن الحالة خطر جداً. هذه البنت إتشفعت بأبو سيفين ومارجرجس ومكنتش تعرف حاجة عن الشهيد بيشوي ، فبعت لها صورته وقلت لها : إرشمي الأشعة قبل ما تروحى تكشفي في قنا . في هذه الليلة نامت وحلمت بدكتورين أحدهم لابس بالطو أبيض ومعاه قطنة فيها زيت وفتح عينها وحط الزيت جواها ، صحيت من النوم وراحوا قنا وأثناء طريق السفر كله ظلت بنتها تطلب أبو سيفين ومارجرجس والشهيد بيشوي وتقول له: معقول يا بيشوي تغير الأشعة وتعمل معجزة زى اللي بنسمع بيهم. وراحوا عند الدكتور مينا أسعد فقال لهم: أنا مليش دعوة بالأشعة القديمة، تعملولى أشعة جديدة. وعملوا أشعة والمفاجأة كانت أن الأشعة سليمة مية فالمية مفيهاش ولا حاجة والعينين سليمة ( التغيرات في الحدود الطبيعية ومقياس مجال الرؤية هو 99% ، 92% ) والدكتور مرضيش يكتب تقرير لأنه لم يجد أي مرض. وقال لها : متروحيش لأي دكتور تانى دا بيشوي وأبو سيفين ومارجرجس عملوا المعجزة
(المصدر : صفحة معجزات الشهيد بيشوى القمص دانيال)
. أشكرك يا رب ، ودي صورة الأشعة قبل المعجزة وبعدها ... أشكرك يا حبيبي بيشوي دايما مفرحنا.