لقاء الروح
لما تلاقي شخص شبهك بالظبط
تفاصيل بالمسطرة ولا اجدع مهندس يعرف يرسمها
تشابه كامل في كل شئ
والناقص هنا .. بيكمل هناك زي ال puzzle
ارتياح من اول لقاء .. وابتسامه بلهاء محدش بيعرف ترجمتها غير قلبك
تفاصيلك عارفها .. حتى تفاهاتك
لدرجة ان المكالمة ممكن تكون فاضيه ومفهاش كلام يتقال وتفضل مستمرة بالساعات
ومفيش حد بيزهق فيها او بيمل
صوت النفس بالنسبالهم يعتبر كلام ..
دي بقى يعتبر العلاقة الكامله .. العلاقة النضيفه
اللي محتاجه تتعب شوية لحد ماتلاقيها
لحد ماتلاقي نصك التاني اللي بيكملك .. ومايكونش مجرد زياده في حياتك
علشان الحياة مش ناقصة رمرمه
مايكل سامى