[walaa farouk]

الستر نعمة ما بعدها نعمة ..

ادخل إمتحان و معاك ستر ، تلاقي اسئلة كنت مركز عليها ليلة الإمتحان من غير ما تقصد جتلك،
و تلاقي عقلك يفتكر و يكتب إجابات كنت فاكرها غلط و تطلع صح ..

روح اشتري من اي محل و معاك الستر ،
ربنا يحط في طريقك الحاجة الصح و بانسب سعر ..

جرب ترتبط بواحدة و معاك الستر ، لو مش مناسبة تلاقي ربنا كشف لك عيوب مستورة
لا يمكن كنت ح تعرفها ؛ و لو مناسبة يرتب لك فرصة ما كنتش في بالك
علشان تقابلها و تعرفها و ترتبط بيها ..

جرب تقابل حد انت محتاج منه طلب مهم و معاك الستر ،
يديك نعمة في عينيه و يوافقلك عل طلبك بسرعة ،
و انت بتسأل محتار : ليه عمل معايا كده ؟؟

اعمل اي مشروع و معاك الستر ،
ربنا يحط في سكتك ولاد الحلال و تخلصه علي خير في أسرع وقت و أنسب تكلفة ..

خد معاك الستر الإلهي منين ما تروح ، يعطيك و يكفيك و يغطيك .