26 - 12 - 2018, 10:13 PM
|
|
|
|
..::| الإدارة العامة |::..
|
|
|
|
|
|
ما تحسبهاش خسارة
لما يسيبك واحد بيقول انه صاحبك أو يتقلب علي الوش التاني،
ده مكسب .. انت اكتشفت اصله ، و ان اللي كنت فاكره دهب صدٌي و طلع مجرد "قشرة" ..
لما مكان أو منصب يروح منك ، برضه مكسب.. ربنا حاش عنك شر انت مش عرفه ،
أو حمل مش ح تعرف تشيله و يورطك في مشاكل انت مش قدها..
لما علاقة حب تنتهي فجأة و بسبب ما يستاهلش ح اقولك برضه مكسب ..
العلاقة اللي اتكسرت عند خلاف بسيط ما كانتش ح تكمل كده كده ،
و كويس أن ده حصل بدري بدل المشكلة ما كانت تيجي قدام
و كانت ح تبقي عشرة مستحيلة وورطة تعيش فيها العمر كله ..
و الأمثلة كتير قوي ..
دايما فكر كده : ما تحسبش اي حاجة خسارة لان ربنا اللي بيحبك عارف مصلحتك،
و اللي انت شايفه وحش هو سايبه لانه عارف انه خير بس قدام..
بس انت اجتهد و صلي و اعمل اللي عليك و الباقي كله عليه..
|