[walaa farouk]

-كنت اعلم انه انت..فى اللحظة اللى نسيت فيها محفظتى و مكنتش عارفه اروح ازاى
و بالصدفة قبلت حد اعرفه وصلنى.

-كنت اعلم انه انت..فى اللحظة اللي انا متاخره جدا فيها و لقيت وسيلة نقل بسهوله على عكس كل يوم.

-كنت اعلم انه انت..فى اللحظة اللى انا هموت فيها من التعب
لما لقيت اخر مكان فاضى فى المترو علشان اقعد..

-كنت اعلم انه انت..فى اللحظة اللى ببقى خلاص على وشك الانهيار
و الاقى حد من صحابى جمبى بيهزر معايا او بيحضنى.

-كنت اعلم انه انت..فى اللحظه اللى كنت خايفة فيها من ولد ماشى بيضايقنى
و فى لحظة اتكعبل وقع من غير اى مقدمات.

-كنت اعلم انه انت.. حين كنت فى حالة اكتئاب شديد و ارسل احدهم لى ايه لمست اعماقى..

-كنت اعلم انه انت..حين جرحنى احدهم بكلام ثقيل و اوشكت على اهانته بشكل مبالغ فيه

لكنى صمت و لم افعل على عكس طبيعتى شكرا لانى لم اشعر بتانيب الضمير الان لما كنت سافعله.

-كنت اعلم انه انت..حين كان على ان القى كلمة فى الاجتماع
و انت تعرف كم اكره القاء الكلمة امام العديد من الاشخاص.
.لكنى فوجئت بنفسى تماما غير متوترة كعاداتى.

-كنت اعلم انه انت..حين ضحك لى طفل صغير بدون اسباب عندما لم اكن فى احسن حال

-كنت اعلم دائما انه انت..انت الذى تحفظنى .. و تطمنى ..و تنجينى
..و ترسل لى ملائكتك ليحمونى.❤️

شكرا يارب علشان كل حاجة بتعملها بتثبتلى بيها انك موجود و دايما معايا و ساندنى ❤️

#اعلم_دائما_انه_انت.❤️