15 - 12 - 2018, 05:02 AM
|
| |
..::| مشرفة |::..
|
|
|
|
|
|
زوّادة اليوم: الأمانة
بيخبرو عن ناطور بستان اجا صاحب الأرض و طلب منّو يروح يقطفلو حبّة رمّان حلو. راح الزلمي و رجع قاطف حبّة رمّان بس داقها صاحب الجنينة طلعت حامضة. قلّو قلتلك بدّي رمّان حلو هيدي حامضة روح جبلي غيرها. راح الناطور مرتين و كل مرّة طلعت حامضة. قلّو صاحب البستان مستغرب: صرلك سنة حارس هالجنينة ما بتعرف وين الرمان الحلو؟!
جاوب الناطور: حضرتك وظّفتني حتّى احرس الجنينة مش حتّى دوق الفواكه! تعجّب صاحب البستان من امانة هالشب و قدّملو مكافأة. الأمانة هالإيّام صفة عم تنفقد من مجتمعنا شوي شوي...منصلّي بهالعيد حتّى ربنا يدلنا عالطريق الصح و يعلّمنا نحافظ عالصفات الحلوة و نعيش بتعاليمو و وصاياه...الله معكن
|