[walaa farouk]

اقوله تعبان يقول لي انا تعبان اكتر منك ..
اقوله عاوز اقابلك ما يردش ، و بعد زمن طويل يجي أو يكلمني لما هو يفضي و انا مش محتاجه ..

احكي له وجعي يكلمني عن الدنيا الوحشة و الناس المتعبة
، و لا يكلف نفسه دقيقة يسمعني و يحس بي أو حتي يعرض علي اي مساعدة و لو بسيطة
؛ في وادي تاني ، بيسمع نفسه و يكلمها و مقعدني جنبه بس علشا أسلي له وقته..

يشوفني تعبان يضحك في وشي .. و يشوفني مبسوط من حاجة نجحت فيها
ما يقوليش مبروك او فرحت لك ، و يعمل نفسه مش واخد باله ..
يكلمني بس لما يعوز مني حاجة، و طول الوقت يقول لي "انت اللي ما بتسألش" ..

و هو ده حال الناس اللي باسمعه منهم طول النهار ،
كل واحد في دنيته، و بالاسم بس "أصحاب" و "حبايب" ..

و يا بخت اللي لقي اللي يسعده و يفهمه
، و يا بخت اللي يقدر يسعد و يفهم الناس .
كده تبقي الدنيا جنة ..