[walaa farouk]

اول مرة اتقابلنا كنت مضروبة علقة سخنة...عريانة...مفضوحة...
في حالة ذعر و مرارة عمري ما كنت اتخيلها...
اخدوني حطوني في وسط الرايح و اللي جاي...مرمية علي الارض..
.شايفة بس اقدام ارجلهم..جمعوا الحجارة و شمروا كمامهم عشان يبدأوا تنفيذ الوصية...

-عارفين كان ايه اقصي طموحي وقتها؟؟
=مش اني أعيش طبعاً....لكن اني "اموت بسرعة" و اخلص...اصلي كنت كدة كدة ميتة...
بس هو كان طموحه ليّ مختلف عن طموحي لنفسي خااالص...

مش عارفة ازاي مشاهم بالهدوء ده...بالسلطان ده..
.مش عارفة ليه يعرض سمعته و شعبيته للخطر الكبير ده
لما ينقذ واحدة زيي الموت حلال فيها...مش عارفة ايه الحاجة العدلة اللي شافها فيَّ.
..مش عارفة ليه عاملني بإحترام -عمر ما حد عاملني به-
وسط اكثر لحظة ما استحقش فيها الاحترام.
..مش عارفة ليه مد لي ايده عشان يقومني بدل ما يرجمني.
..مش عارفة ليه رفع لي رأسي عشان ابص علي السما بدل الأقدام...مش عارفة...مش عارفة...

الحاجة الوحيدة اللي عرفتها انه شاف فيَّ نور وسط احلك لحظات حياتي و اشدها ظلاماً.
..انه الوحيد اللي مأدانّيش مع انه هو الديان العادل...
حبيته حب غير اي علاقة كنت فاكراها اسمها حب...حبيته حب مختلف
..حبه "حب مُحرر" (اصل انا جربت الذل و العبودية كتير)...بحبك يا يسوع...بحبك من كل قلبي!❤️

(انجيل يوحنا اصحاح ٨... "المرأة "التي اُمسكت في ذات الفعل "لكن"انقذها "يسوع"!)