ما بقى ينفع لا بكي ولا دموع
ولا عند كل موقف ضوي شموع
ما بقى ينفع هالقلب بعدو موجوع
افتحنا دروب جديدي ...
غيّرنا أسلوب القصيدي ...
أتاري الدرب من عندهون بعدو مقطوع
لا كان الحكي ينفع
ولا بشرع الفلسفة باقي مطلع
منحكي ومنفلسف الأمور
ومناخدها ع مجاهل وما بترجع
قديش في عنّا للسبب مرجع
وقديش منتطلع وما منقشع
منحكي ومنحكي ويا ريت في مين يسمع
قلت رح غيّر الأسلوب وهيدا مش بكتابي
أنا ... أنا صفحات مفهومة بمشوار عذابي
صليب وحملتو بفرح ومشيت وافتحت بوابي
بس الألم مش راضي يتركني ويفل
مصمّم كل يوم ومن العدم يطل
ويدخل ويشقلب موازين حسابي