[walaa farouk]

تفضل ايه ؟؟



ناس بتتوقع السوء في الدنيا أو في الناس إلي أن يأتي الخير ..

و ناس بتتوقع الخير ، إلي أن يأتي السوء..

النوع الأول قلقان علي طول، موسوس،
شكاك و تعبان و ببتعب اللي حواليه
، و بيكتشف أن أغلبية شكه طلع مش في مكانه
؛ يمكن علشان اتصدم كتير مش قادر يرتاح ،
بس بيكتشف بعد كده أنه بسبب شكه حصل له مرار ليه و لغيره ..

أما النوع التاني، مرتاح و مسلمها للي مدبر الدنيا
و شايلها علي ايديه و راسمها بكل دقة .
. صحيح بيتصدم مرات في ناس طبعهم الغدر
، لكن عاش مبسوط و باسط الناس اللي حواليه
، و ما خسرش غير المرات اللي اكتشف ان اللي اتوقعه ما حصلش،
بس لأنه مسلمها لخالق الحياة، ربنا بيساعده أنه يطلع من الضلمة
نور و من الشر خير..

ريح قلبك و اختار أنك تتوقع الخير
، اتوقعه من إله الخير اللي كل حاجة طالعة من ايده حلوة
؛ و اللي يستني الخير الخير بيجري وراه ..

و البال المرتاح رزق ما بعده رزق ..