[walaa farouk]

إلهي أهداني ملاك
عن قصة إستشهاد أطفال بيت لحم ..
لكل أم أو أب أو أخ أو أخت أو إبن أو إبنة أو زوجة أو زوج ..
فقد حبيب له بإيد أشخاص معدومي الإنسانية .
. أحبائكم شهداء متوجين بالأكاليل فرحين بالفردوس و السماء الجديدة ..



كلمات الترنيمة :

1- إلهي أهداني ملاك .. خبيته جوايا في رحــــــمي
من حضني اختاره الهلاك .. بعد أما بات جواه محمي
حلمت يكبر قدامي .. و الحلم صار مشهد دامـــــــي
(قتلوا اللي من دمي و لحمي .. أنا أم طفل بيت لحمي
هيرودس ليه عنيك غادرة .. و ترس القلب متعطل
و تبكي راحيل و مش قادرة .. دموعها تجف و تبــطل
ملكنا مش تيجان و عروش .. ملك المجد ملك الســلام
طلبت مجوس و لما مجوش .. قتلت بحد سيفك كــــام ؟؟
2- إلهي و ضنايا اختار .. من ضعفي يكون مولــــــــــود
ولا تهمة عليه ولا تار .. مهو المسيــــــــــا وجود و خلود
لكن حسد غار الشيطان .. دفعنا نغير الاوطــــــــــــــــان
و بعد سنين يا يوسف عود ..أنا أم اللي كان مقصـــــــود
راحيل ليه الدموع سايلة ؟؟ ..تعالي في السما نسبح
ملايكة محوطة و شايلة .. ولادك تحت في المذبــــــــح
و كل طفل يوحنا .. قال لابس ابيض على جســـــــــــمه
نفوس باللهفة تستنى .. باقي الشهدا على اسمـــــــــــه