[walaa farouk]

عادى جدا لما تتصل تطمن على حد
كنت بتحبه زمان وعمل انه ميعرفكش ..

عادى جدا لما تكلم حد وميكلمكش
بحجة انه مشغول ..

وعادى جدا لما تكتب حاجه
ومحدش يعمل ليك لايك
او حتى يقرا كلامك من اساسه ..

وعادى جدا لما الدنيا تديك قفاها
وودهرها وكل حاجه ..

مع كل الحاجات دى
بتتخنق وتقول عادى
وتتخنق وبرضوا عادى ..

وتبص تلاقى نفسك مخنوق
لدرجه انك بقيت خايف


ايوا خايف

خايف الانسان اللى جواك يتحول وحش كبير
وانت نفسك تحافظ على الحاجه الحلوة اللى جواك ..

بس من كتر الخداع و المظاهر الكدابه
والحب الوهمى خلاص تعبت ..


هتبعد عن كل الناس وكل اللى حواليك
وهتقف مع نفسك واقفه

وتقول انا ايه فى حياتى غلط
تبتدى تعاند شويه وتصمم انك تتغير
فى طريقتك او اسلوبك او طريقه تفكير ..

او نظره الناس جوة عينك بقيت ازاى
شايفهم ازاى لسه ليك مكان جواهم
ولا قلبهم مفهوش ليك مكان ..


بص لما تقف مع نفسك كده وتبعد
بتكون اول حاجه عاوز
تعرفها مين هيدور عليك ..

مهو بصراحه من حقك حد يدور عليك
لانك ياما دورت على الحد
اللى انت عاوزه يدور عليك ..

كلنا بنهرب من الواقفه دى
لأنها بتقولنا الحقيقة اللى احنا
مش عاوزين نعرفها


ايام بتعدى وتروح وتيجى
والواحد اصلا مش عاوز يفكر ..


اقف مع نفسك وشوف حياتك
وبالمره شوف مين هيدور عليك


كل انسان بيحتاج وقفه مع نفسه
اقف ومتخافش ومتهربش