[walaa farouk]

الله (بابا) كفيل يسد كل الأدوار اللي محتاجينها ومفتقدينها في حياتنا.
من اختبار ومن قلب حقيقة عشتها في حياتي
ومع افتقادي ووفاة بابا (الأب الأرضي)
كنت دايما لما بشوف أب وبنته ينتابني شعور الاحتياج
وفي ثانية بفتكر احساناته وكل اللي عمله معايا
وكل سندة ورفعة رفعهالي وانا حالتي يرثى ليها
وكل مرة كان ليا ضهري لما جيت له ضهري متعري ملهوش سند
وكل موقف دافع عني فيه من غير ما اتكلم
وكل احتياج كان بيتسد بشكل معجزي
وكل طريق كنت بمشيه وايده مش سيباني ولا لحظة
اﻷب من أكبر اﻷدوار في حياتنا واختفائه من الحياة بيسيب فجوة كبيرة أوي في حياتنا
لكن مع كبر حجم اﻷحتياج ده يكبر حجم البركة والطرق المعجزية لله في حياتنا
وقياسا على الدور ده كا الادوار التاني الله كفيل يكونها في حياتي
مع كل مساحة بنفتحها لله في حياتنا بنشوفه في دور مهم في حياتنا
بنشوف بركة .. بنشوف احتياج بيتسد ..
بنشوف ايد مش بتفارفنا ابدا ..
بنشوف ضهر عمره ما بيتخلي عننا
دايما هو اﻷول عندي في كل اﻷدوار والاحتياجات وده شئ بيطمني
مش بخاف صديق يمشي .. عشان هو صديق ومابيمشيش
مش بخاف حبيب يتخلى .. عشان هو حبيب ومش بيتخلى
مش بخاف من فكرة الفقد للعيلة .. ﻷنه عيلتي وعزوتي
مش بخاف طول ما هو ليا وأنا ليه
يمكن كل الحاجات دي واﻷدوار دي بشكلها الأرضي
اختفائها يألمني زي أي بني آدم وبتكون عندي احتياج
لكن ثقتي دايما هايلحقني ويكونلي سداد اﻷحتياج والدور
قبل ما اﻷلم والافتقاد ليهم ما يلتهمني
المساحة دي مش هياخدها غير لما تديهاله
افتح عينك وشوفه في كل حاجة وكل دور
عن إختبار هو اﻷعظم على اﻹطلاق في كل حاجة وكل دور
ليا_أب #ليا_ضهر #ليا_حبيب #ليا_صاحب

منقول