05 - 10 - 2018, 05:27 PM
|
|
|
|
† Admin Woman †
|
|
|
|
|
|
النوايا والأفعال
فى فجوة كبيرة اوى بين "النوايا والأفعال" بتخليك مش فاهم هو المفروض اسامح ع الفعل السيئ دا لأن النيه كويسه!!
وانت صغير كان ممكن أبوك يضربك بعدين يقولك " انا بضربك علشان مصلحتك" ، محدش معداش عليه وهو صغير لما راح لمدرس والأهل قالوله "كسر واحنا نجبس"
فمتبقاش فاهم هو دا كدة بيحبونى ! طب ليه عايزين اتضرب!
كبرت واتعودت ع نفس النمط دا وبقيت انت الى تبررة لنفسك
"بيزعق علشان خايف عليا "
"قالى متلبسيش دا علشان بيغير وبيحبنى"
"احنا عايزين العريس دا ليكى علشان هيريحك يابنتى"
"ادخل الكليه دى .. يابنى احنا عايزين مستقبلك"...ألخ كتير
متحطوش "الحب" ستارة للأفعال الغلط ، متقبلش الأفعال المشوهه المريضه علشان وراها نيه كويسه ، لأنك هتكتشف أنه الأهم من النوايا الكويسه هى الأفعال السليمه ، الى بيحبك هيقدر يحترم شخصيتك وذاتك وقراراتك وهيتعامل معاك بطريقه صح ، متقبلش من حد فعل غلط علشان قصدة كويس ، ومتبررش فعلك الغلط قدام حد انه انك بتحبه
|