[walaa farouk]

جربت تلاقي شخص قريب منك، قادر يفهمك، وتحس معاه إنك مرتاح وتلقائي،
ومش مضطر تحسبها أو تركز في كل كلامك لئلا تتفهم غلط، ومرت الأيام والشخص ده مابقاش موجود؟
طيب جربت إحساس إنك تبقى عايش في ظروف معينة، وفجأة ظروفك تتغير،
ويمكن اللي كنت بتشوفه عادي زي الصحة والشغل والفلوس والبيت والعيلة والكنيسة،
يبقوا مش موجودين، فتعرف وتدرك إنهم ماكانوش عادي وإنهم نعم عظيمة جدًا من ربنا ليك؟
اللي عايز أقوله، إن حياتنا على الأرض قصيرة جدًا ومتغيرة جدًا
، افرح بكل النعم اللي عندك واشكر عليها ربنا، لكن لو خسرت حاجة أو
لو ظروفك اتغيرت افتكر إنه "كله باطل، وقبض الريح"، وإن الأهم والأبقى هي علاقتك مع ربنا
، الوحيد اللي مش هاتتصدم فيه، لأنه مش هايتغير مهما حصل