زوادة اليوم: بيخبرو عن البابا يوحنا بولس الثاني
بس اجا عا لبنان كانت اللجنة المنظمة الإحتفال بحريصا مقررة انو بعد القداس يلقي البابا كلمتو بالبازيليك و كانوا جوا كل الشخصيات السياسية و المهمة و الناس واقفين برا بالساحة. صار وقت الخطاب سمع البابا الشباب و الصبايا و الناس عم يصرخولو و يقولولو نحنا منحبك قام ترك كل الحضور الرسمي والسياسيين و المشاهير و طل عالساحة و قال خطابو و حكي مع عامة الشعب! يسوع بيعرف انو الدني مش بالمظاهر و لا بالخطابات الرسمية و لا بالإحتفالات الدني بخفايا القلوب و النوايا. كرمال هيك هالقديس نقى الناس اللي بتحبو عنجد مش اللي جايين ينفذو مراسم احتفالية!
هالزوادة بتقلي وبتقلك:
يا رب عطينا من تواضع هالبابا القديس و علمنا ما ننجر ورا المظاهر خلينا بشفاعة البابا يوحنا بولس الثاني نعمل مشيئتك و نحبك بلا شروط متل ما انت حبيتنا آمين.