[walaa farouk]

ايوب كان راجل بار وهو كان فرحان ببره وكلنا عارفين قصته
لما الضيقه ضغطت عليه بالقوى والكل سابه
وخسر كل حاجه والجروح عفنت فى جسمه
جاله 4 اصحابه عشان يعزوه ويسندوه ( أليفاز وبلدد وصوفر وإليهو ) وبالفعل اصحابه كانوا معزيين متعبون
لانهم بدل مايشيلوا همه وحمله زودوه
وكلامهم كان جارح لنفس ايوب اووووى
قفلوا فى وشه ابواب الرحمه
بالرغم من انهم اصحابه القريبين وشيوخ يعنى ليهم من الحكمه اللى تخليهم يضبطوا لسانهم لكن الحاجه الحلوه فى موقف اصحاب ايوب دا ايه بقى صاحبهم الصغير ( إليهو ) اصغر واحد فيهم ردوده عليهم اثلجت قلب ايوب وبالرغم من صغر سنه الا انه كان احكمهم ( إليهو ) دا تحسه كدا ان ربنا جعله حائط صد - دفاع واقى لايوب
اولاً :- ضد نفسه من اليأس اكتر من المرحله اللى وصلها لأن رجاؤه كان على شعره .
ثانياً :- ضد عدو الخير اللى استخدم باقى اصحابه لإضعافه اكتر .
( إليهو ) معناه ( هو الله ) يعنى مش غريبه ان ربنا يستخدمه ضد محاربه ابليس وضد اضعاف اصحابه وكانت نتيجه كلام اليهو ان ربنا قال لإيوب ( الآنَ شُدَّ حَقْوَيْكَ كَرَجُل ) ورد عليه تجربته المُره دى كانت ليه واعترف ايوب فى الاخر ( قَدْ عَلِمْتُ أَنَّكَ تَسْتَطِيعُ كُلَّ شَيْءٍ، وَلاَ يَعْسُرُ عَلَيْكَ أَمْرٌ - بِسَمْعِ الأُذُنِ قَدْ سَمِعْتُ عَنْكَ، وَالآنَ رَأَتْكَ عَيْنِي )
انت لازم تضغط اوى تتعصر اوى لازم تجيب اخرك قدام نفسك وتشوف نفسك ف الارض
لازم تطحن وتنداس لازم تكلمه وتتخانق وتعاتب هو مابيزهقش ولا بيزعل من حالاتك دى لانه مقدرها اووووى وحاسس بيك لازم توصله انه يقول زى ماقال لإيوب ( الآنَ شُدَّ حَقْوَيْكَ كَرَجُل ) قوم اتجدعن اقف ثابت واسمعنى بعدها هتعرف تقوله بفرح ( قَدْ عَلِمْتُ أَنَّكَ تَسْتَطِيعُ كُلَّ شَيْءٍ، وَلاَ يَعْسُرُ عَلَيْكَ أَمْرٌ - بِسَمْعِ الأُذُنِ قَدْ سَمِعْتُ عَنْكَ، وَالآنَ رَأَتْكَ عَيْنِي ) واطمن جوه ألمك ووجع تجربتك هو سايبلك (إليهو) مستنيك انت مش لوحدك .