[walaa farouk]

دفتر_توفير فى بنك المحبه
هو دفتر رصيدك البنكى السماوى
كل خير بتعمله بيتحط ليك فى دفتر توفير المحبه والبركات
بالتأكيد هتاخد اجر الخير اللى عملته مهما طال الزمن
(ارم خبزك على وجه المياه فإنك تجده بعد أيام كثيرة)(جا 11 :1)
وليك فوايد كمان لازم تاخدها مع رصيدك
(يذكر جميع ذبائحك ويستسمن محرقاتك)(مز20: 3)
وكل ما بتطول فتره ومده رجوع البركه بفوايدها ليك
كل مابتلاقى ليك فوايد اكتر بتزيد على رصيدك يوم بعد يوم
متستعجلش وتطلب تاخد اللى اودعته بسرعه فى حسابك السماوى
انتظرهيكون ليك فوايد اكتر على رصيدك تغنيك وتفرحك فى يوم احتياجك
ومتلغيش فى يوم رصيدك البنكى السماوى ، يمكن فى يوم ضيقه تحتاجه
ويكون سبب بركه ليك ولغيرك .
الفرق بينه وبين بنك العالم ان بنك المحبه لكل الناس الفقير قبل الغنى
بنك العالم يودع فيه ما للعالم وفى الارض الفانيه
وبنك المحبه يودع فيه ما للسما وفى السماء الباقيه
بنك السما فوايده اعلى فوايد مضمونه تغنيك ومش تحتاج تمد لحد الأيد
تحط فيه حب، سعاده، مال، راحه، خدمه، صلاه. لأى انسان
هتاخد مكانهم ضعفين وتلاته حسب احتياجك هيكيل ويديك ويزيد
(بالكيل الذي به تكيلون يكال لكم ويزاد)(مر4: 24)
كل واحد فينا ليه حساب مفتوح ومدفوع فيه عربون محبه من ابوه
وعلينا احنا نزود الرصيد والحساب فى بنك المحبه السماوى
علشان نبقي اغنياء ومش نحتاج نشحت من العالم إى شئ نحتاج اليه.