[walaa farouk]

الشك لو دخل في أي علاقة كفيل إنه يبوظها، يمكن يكون ده جزء من شخصيتك

، ويمكن كمان الخبرات السلبية اللي مريت بيها هي السبب.
لو الشك هايخلينا نبحث علشان نوصل لحقيقة ثابتة ومقنعة هو مفيد ومقبول،

لكن لو الشك هايخلينا نفقد ثقتنا في كل حاجة وفي أي شخص،

النتيجة هاتكون إننا عايشين مشوشين ماعندناش أي أرضية صلبة نقف عليها

ونواجه بيها التحديات والصعوبات.
إبليس بينجح مرات إنه يشككنا في وعود ربنا، وفي كلامه، أو حتى وجوده.
الحقيقة هي إن ربنا بيعرف يتعامل مع شكوكنا كلها، وعنده طرقه الخاصة اللي تقنعنا وتثبتنا.
هو اللي ظهر لتوما لما شك فيه، وبكل صبر ومحبة جاوب على شكوكه ومخاوفه.
هو كمان بيحترم أفكارك وشكوكك، ومستعد يتناقش معاك ويقنعك

، شاكك في إيه ونفسك يأكدهولك؟