[walaa farouk]

"اليكس لويس" شاب وسيم جداا وشبة نجوم هليووود بمعني الكلمة ..

أب وزوج جميل جدا .. في يوم 8 نوفمبر 2013 دخل "اليكس " علي زوجتة

وهو عرقان وشكلة تعبان جدا كان فاكر أنة عندة شوية برد ..

لكن بعض لحظات جسمة كلة بدأ ينزف دم وجلدة بيتقشر ودرجة حرارتة عالية جدا وجسمة كلة أحمر

.. زوجتة أتصلت بالاسعاف فورا وبلغتهم الوضع بالظبط .. جم خدوة

ونقولة علي المستشفي وبعد ساعة من الفحص الدكاترة مش عارفة أية اللي عندة بالظبط

.. وفي خلال الساعة دي كانت الاعراض بتزيد لدرجة أن أطرافة بدأت تموت

.. وبعد ساعة كمان .. قررو الاطباء بتر رجلية الاتنين .. ودرعاتة الاتنين وأجزاء من جسمة .

. وشفايفة بالكامل .. لانة حرفيا كان جلدة بيسيح وبيقع لوحدة ..

وبعد فحص حالة "اليكس" الغريبة واللي صنفت من ضمن أصعب حالات المرض

.. أن دا فيروس نادر جدا دخل جو جسمة سبب لة تلف في الاوعية الدموية بالكامل في خلال ساعة

.. ولو كان أعد أكتر من كدا ..

"اليكس " كان هيبقي مش موجود ..

"اليكس " في خلال سنتين عمل 16 عملية ترميم في جسمة وبتر عشان يقدرو

يحافظو علي باقي أعضاء الجسم من التلف وكل الاطباء كان عنهم تخوف كبير أن الفيروس

دا يوصل لدماغة كانو بينبهو علي مراتة كل يوم الصبح لما يصحي لازم تسألة شوية

أسالة عن ذكرياتهم مع بعض عشان تتأكد أن مفيش تلف في المخ

أنتو متخيلين شاب زي دا حياتة أتقلبت 360 درجة في لحظة وفقد جسمة بالكامل وهو في عز شبابة .

بالرغم أن حالة "اليكس" أثرت فيا جدا لان اللي حصلة صعب اووي ...

من الحجات اللي عيطت عليها كتير وكان نفسي احضنة

وأنا بتفرج علية عنية اللي كلها حصرة ووجع رهيب ميتوصفش .

. وأد أية الواحد في نعمة كبيرة مش حاسس بيها .

دموعة اللي مش بتقف وفريق التصوير وهو بيصور معاه "اليكس"

وهو بيحكي يقوم ساكت ومعيط ويخبي وشة ويقول لفريق لتصوير "الامر صعب اووي"
كل حاجة فية مكسورة .. مش عارف يحضن أبنة .. وأبنة رافض يحضنة او يبوسة

أو يقرب منة عشان خايف من شكلة .

فية مشهد صعب اووي .. مراتة كل يوم بليل بتمشي تروح

وتيجي تاني يوم وهي ماشية بتقول للولد " بوس بابا بقي " ..

الولد رفض ومشي وقالة " باي باي " من بعيد ..
"اليكس" عنية أتملت دموع ووشة كلة وجع رهيب .. أحساس بجد صعب جدا

"اليكس " نفسة بيقول أن أصعب لحظات حياتة وأكتر حاجة وجعاة أكتر من المرض

أن لما بيشوف أبنة خايف يقرب منة .. أنة محروم يبوس أبنة ..

زعلان علي أن أبنة يشوف أبوة بقي مشوه بالشكل دا
" اليكس " كان فاضل لية عملية واحدة وهي تركيب شفة عشان يقدر يتكلم وياكل ويبوس أبنة ..
زوجة "اليكس " فتحت أوتيل صغير عشان تقدر تصرف علي البيت وعلي علاج الليكس

.. وعلي فكرة دا مش طبيعي في الستات الاجنبية .

الليكس عندة قوة أرادة غير طبيعية .. خضع لعلاج مكثف من العلاج الطبيعي

عشان يركب أطراف صناعية ويقدر يتحرك .. تعب جدا وفية لحظات مؤلمة وهو بيحاول يتحرك

.. أو يمسك كوباية ..او يمشي .. بس علي مدار السنتين عمرة ما يأس ..

زوجة اليكس بتقول .. أنها بتحبة جدا بس بعد اللي حصل لية مكانتش متخيلة أن علاقاتهم هاتكون بالقوة دي

.. هي حبتة أكتر .. وتفاهمهم زاد أكتر .. وبقي فية رابط قوي رابطهم ببعض .

الموضوع مش محتاج مواعظ .. لانة واضح جدا .. وانا شايفة انة مفهوش اي حاجة مشرقة .

. اليكس أدمر كليا .

أحنا عندنا كل اللي اليكس فقده .. ربنا أدانا نعم كبيرة اوووي ومش حاسين بيها

وبنشتكي لما يحصلنا حاجة لا تذكر .. ونقولة ليييه يا رب مش عاوز تديني دي أنت بتحرمني لية .

. لو جالنا شوية برد .. نعد نقلبها مناحة .. أحنا جاحدين اوووي

بس هسأل سؤال واحد أنا سألتة لنفسي وأنا بتفرج علية ؟
كلمني عن معاناتك شوية ؟