[sama smsma]

اعرف واحدة كانت مخطوبه وخطيبها لما شاف ايدها عن قرب قالها اية دة 😱 انت عروقك بارزة كدة لية شكلهم مرعب 🙄 خطوبتهم مكملتش ولما اتجوزت مع أول مرة زوجها مسك إيدها قالها تعرفي إن إيديكِ شكلها حلو قووي عروقك البارزة محلياها 😊
- واحدة صاحبتي تانية كانت متجوزة وطول الوقت زوجها كان بيقولها جسمك محتاج يخس ، إنت تخينه قووي 😑 ولما انفصلت عنه وارتبطت وهيا بتتكلم مع خطيبها قالتله أنا بعمل رجيم ، قالها ليه ؟! انت عودك مناسب جدا مع العلم إنها كانت بنفس الوزن 🤷
-واحده تانيه برده كانت بتاكل حرف العيش وتسيب الباقي اتخطبت ف خطيبها اتريق عليها وقالها انها مدلعه وشافها مستهتره ولما انفصلت عنه اتخطبت لواحد واتجوزته خد باله ف سألها وفضلت تحكيله التفاصيل من وهي صغيره وايه اللي خلاها تتعود ع كدا وبعد م خلصت خالص ابتسم وقالها باقي العيش بتاعك انا هبقي اكله وبقي هو اللي يقطعهولها
- ماترتبطيش غير باللي يشوف الحاجات العادية عندك إنها أجمل حاجة ، اللي يحب طبيعتك زي ما هيا بدون أدنى تعديل .
لأن اللي مش هيشوف طبيعتك ويحبها مش هيشوف المميزات أصلا!
وممكن يعتبرها عيوب الحاجات دي بتفرق في العلاقه جدا