[Rena Jesus]

أصدق لحظة فعلاً في أي علاقة هي لحظة الوداع
وداع أغلي الناس ف حياتنا سواء أب أو أم .. أخ .. صديق .. حبيب ..

اللحظة اللي يسود فيها الصمت وعقلك لا إراديا يعمل فلاش باك لكل ذكرى بينك وبين الشخص ده وبتسمع فيها دقات قلبك أعلي من صوت الدوشة اللي حواليك ..
وبنفهم ازاي الشخص ده كان غالي أوي ...
عاملة زي القلم اللي بييجي بقسوة علشان يعرفنا كانوا ايه في حياتنا ..

اللحظة الوحيدة اللي قلوبنا فيها بتتنفض وتبقي عاوزة تكسر ضلوعنا وتصرخ ..
دموع العين المحبوسة بقهر ...
اللسان المتكتف ومستخبي ومش راضي ينطق ...
اللحظة اللي كلها فضول وأسئلة كتير ...



الحب لو ليه ألف جناح بيطير بيهم فالوداع ليه مخالب بتقطع كل حتة فينا مبترحمش ..
وآه من الوجع لو الوداع بين أتنين بينهم حب بكبرياء...

ألم مضاعف ألف مرة .. جرعة وجع بتخدر جسمك وتخليه بيترعش ...
الألم المستخبى ف كلام من ورا القلب ... لسان بينطق وقلب يصرخ كفاياكوا كدب
القلب اللي بيتنفض من الخوف جوا كيان من برا متماسك ومن جوا بيموت ...



صوت الصرخة اللي مبتسمعش ...
اللحظة اللي اول ما بيدولك فيها ضهرهم ويمشوا دموعك بتنفجر

وبتتمني تمد ايدك وتقولهم بلاش اوعوا تمشوا ...

طب اسمعونا كمان مرة ... شوفونا تاني ولو مرة ...
وبيبقي كل اللي نتمناه ان صوت قلوبنا يسمعوه ...
بس للأسف ...
يا فراق ...
ياموت ....
يا سفر من غير معاد للرجوع ...
في النهاية فراق مكتوب .... !!