24 - 06 - 2018, 11:16 PM
|
|
|
|
..::| الإدارة العامة |::..
|
|
|
|
|
|
عيش_كإنك_شيئ_آحادى
واللى باعك
بيعه عادى
وابتسم علشان تفادى الجرح مايعلمش فيك
الجروح مابقيتش تيجى
إلا من آقرب ماليك
خبى جرحك
بإبتسامة
وارسم الضحكة بقيامة
واوعى حاجة تسيب علامة لآى حزن يبان عليك
خلى سرك جوة منك
واوعى قدامهم تفضفض
صعب جدا تلقى قلب لسة بنفس لونه آبيض
ممكن اللى يبان حبيبك
هو آول من يسيبك
كله وقت الجد يخلع . كله متعود ينفض
قبل عينك
شوف بقلبك
اللى كارهك واللى حبك
العيون بتنام وتصحى . القلب مش ممكن يغمض
الصحاب مابقيتش هي
والخيانة بقت عادية
والصديق مابقاش يبان إخلاصه لمجرد كلامه
الصديق ف الشدة بيبان باهتمامه
والحياة ممكن تبين
حجم مقداره ومقامه
إثباتاتك للمعادلة
حاجة ناقصة وحاجة فاضلة
والظروف الصعبة قادرة . تثبت الشيئ وانعدامه
|