[روشا الفرفوشه]

بودي اعرف منكن و من تجاربكن شي بسيط
بحياتنا الجامعية و بالحياة المشتركة بين الشباب و البنات ...
ليش عم يصير الفاصل بين الحب و الصداقة كتير صغير ؟؟؟؟؟
و كأنو شعرة بين الحب و الصداقة .
ممكن احكي مثال عم يصير كل يوم معنا او مع ناس حولينا :
نحنا بحياتنا بنتعرف على كتير ناس
ويمكن نوثق باشخاص معينين و نفتحلن قلبنا و نحكيلن مشاكلنا او اشياء عم تضايقنا
ونشاركون بهمومنا فتتوطد علاقتنا معهن
لنصير كتير قراب من بعضنا و نحنا مسرورين كتير بعلاقة الصداقة الي طول عمرنا بنحلم فيها

واذا بصديقنا العزيز بيقول الكلمة الي كلنا بنتمناها ..... و بنتمنى نسمعها بس مو منه
لما صديقك او صديقتك يقلك بحبك ..... !! ؟؟؟
و يقول انو كلامك معه و لجؤك لالو بمشاكلك هو الي خلاه يحبك و يحسك كتير قريبة منو

شو رأيكن بهيك قصة ؟؟؟
و الاسوأ من هيك اننا لما نجي نقول للطرف التاني نحنا اصدقاء
على الاغلب رح نخسره وللاسف لا رح يضل صديق و لا أي شي تاني

طيب ..... كيف فينا نفصل بين الامرين ؟؟؟؟
و نحنا بنعرف اهمية الصداقة ...
و كيف كل واحد منا ما بيقدر يعيش بلا اصدقاء شباب كانوا او بنات
و بيتمنى علاقتو معن تدوم

كيف ؟؟؟؟

بتمنى شوف آراءكن

هادا كل شي ان شاء الله تكون الفكرة وصلت .....