[walaa farouk]

كل يوم بيعدى من حياتك بيقربك من النهاية ..

.عشان كده ما تعملش حاجة فى يومك الا لما يكون ليها صدى فوق ... ليها هدف ...وليها تأثير ...


كل دقيقة فى يومك لازم تكون بتبنى ملكوت الله فيك او فى اللى حواليك .

..عشان المملكة الروحية الجديدة كانت هدف مجىء ربنا على الارض .

. وإئتمنا احنا أبناء الملكوت على بناء ملكوته على الارض فى نفوسنا ونفوس كل اللى نقابلهم ...
احنا أيده الممدودة على الارض ...احنا سفراء ..
.احنا بنمثله قدام العالم كله ...احنا أيده اليمين ووكلاء ..

.احنا رجالته اللى ساب لهم المهمة العظمى فى أيديهم ...لكن للاسف البعض منا

..مش عايشين للمهمة دى ..ولا فاهمين قد ايه المسئولية خطيرة و رهيبة ...

راجع اعمالك ومشغولياتك وخروجاتك وعلاقاتك وخدماتك واحتفالاتك ...
واسأل نفسك شوية أسئلة ...
الحاجة اللى باعملها بتبنى ممكلة ربنا ولا لاءه ..؟؟
الوقت ده مفيد روحيا ونفسيا لى وللى حوالى ولا لاء ...؟؟
شكل العلاقات دى ..بيبنى ولا بيهدم ...؟؟؟
سلوكى فى الشغل بيبنى فى مملكة ربنا ولا ممكلة ابليس ؟؟؟
تربيتى لاولادى الروحيين والجسديين بيبنى ناس لملكوت ربنا ولا ملكوت ابليس ..؟؟
الحاجة اللى هشتريها دى هتبنى ولا هتهدم ولا ملهاش لازمة... ؟؟؟
الفلوس اللى هصرفها...هتبنى الملكوت على الارض ولا لاء ..؟؟؟
الفسحة والخروجة...ماشية مع كونى انسان الملكوت ولا لاءه ...؟؟
اللى هاشوفه فى المواقع والميديا يبنى مملكة ربنا فى حياتى وحياة الآخرين ولا مالوش لازمة ؟؟؟
الرسالة أو البوست اللى هابعته هيبنى ولا لاء ؟؟
الوقت اللى باقضيه وبارتاح فيه ...هيبنى ولا لاءه؟؟؟
الخدمات اللى انا فيها بتبنى وفيها ثمر وتأثير للملكوت ..ولا لاء؟؟؟...
كل ماتغييرك يزيد ...تاثيرك هيزيد ...
عيش حياة مؤثرة ...واعرف انت مين؟؟؟ وانت هنا ليه ؟؟