[walaa farouk]

كنت خارج من شغلي بالعربية ، فقابلتني ست كبيرة في السن بس شكلها بنت ناس ، ماسكه شنطه في ايدها ولابسه فستان اسمر
قالتلي مش رايح يابني ناحية المترو ينوبك ثواب لحسن مش قادره امشي
قولتلها ايوه هعدي من عليه اتفضلي
وفتحتلها الباب وركبت جنبي
جالها تليفون من ابنها
طول الطريق تقوله منك لله يابني منك لله ، وتتكلم كلمتين وتبتسم وتقوله منك لله يابني روح منك لله
انا قولت ايه الست المجنونه دي !! بتدعي عليه وتبتسم ، طب ازاي !!
فبعد ماخلصت بقولها ده شكله مزعلك جامد
قالتلي اشمعنى
قولتلها اصلك عماله تدعي عليه ، بس اكيد من ورا قلبك
قالت لا ده من جوه قلبي
قولتلها ياساتر ليه كده بس ، ووقفت بالعربية علشان كنت وصلت قدام المترو
لقيتها حطت ايدها على ايدي وداست عليها وقالتلي
منه لله مش للبشر ، ربنا بيرحم وبيطبطب وبيداوي
انا كنت بدعيله يابني مش بدعي عليه
ضحكت وقولتلها منك لله يا حجه سَيّبتي ركبي

فعلا ان حياتي كلها تكون في ايد ربنا ، كل تفاصيلها تبقى منظوره منه وبس ، ساعتها هكون متطمن علي نفسي جدا ، لان الله يؤدب ولا يهلك كالبشر
تأديباً ادبني الرب والى الموت لم يسلمني

وكما قال داود " قد ضاق بى الأمر جدا، ولكن خير لى أن أقع في يد الرب، لأن مراحمه كثيرة من أن أقع بين يدى إنسان "

منكم_لله