[walaa farouk]

فى بدايه الشهر وانت لسه قابض ....لازم نفهم شوية حاجات مهمة ...
+ يمكن الفلوس قليلة ومش هتكفى والدنيا غالية ..

لكن حط كل اللى حيلتك تحت رجليه وبين ايديه ..وسيبه يبارك و يوزع بمعرفته ....
+القبض ده مش بتاعك اصلا ...انت وكيل عليه ...لأنه
"هو الذى يعطيك قوة لاصطناع الثروة" تث ٨ : ١٨
"ولم يكن احد يقول ان شيئا من أمواله له" اع ٤ : ٣٢
+ارمى فلوسك تحت رجليه ....لان الفلوس مكانها الارض تحت الرجلين ...اع ٤
+ اوعى تحطها فوق راسك ...لان كلمته بس هى اللى فوق الراس ...لئلا تصبح الفلوس الهك
+ اوعى تتسند عليها لان مفيش غير واحد بس هو السند ....
"الرب سندى" مز ١٨ : ١٨
ولو اتسندت عليها ... هينزع كل السند وولو ركنتها أو حوشتها من غير داعى ..... هينزع الركن...اش ٣: ١
+ اوعى تعيش لها ...عشان "أن عشنا فللرب نعيش "رو١٤ : ٨
+ ماتحطش الفلوس فى حكاويك وكلامك ..ولا تكتئب بسبب قلتها ..."لأنه قال لا اهملك ولا اتركك" عب ١٣ : ٥
+ لا تاخد قرارات بسبب الحصول على المزيد منها ..."كونوا مكتفين بما عندكم "..عب ١٣ : ٥
+ لو الناس جابت سيرتك ...تبقى سيرتك خالية من محبة المال عشان تشهد انك مسنود عليه بس ...
+ ماتفكرش أن فلوسك هى اللى معيشاك وتقارن نفسك بالباقى....

"فانه متى كان لأحد كثير فليست حياته من امواله" لو ١٢ : ١٥
+العطاء هيبقى صعب شوية عليك لو مكنتش أعطيت نفسك للرب اولا " ٢ كو ٨: ٥
مكان الفلوس ...تحت رجليه ...بين ايديه ....
+ تدريب عملى ...
صلى انجيل الساعة التاسعة ...انجيل البركة قبل ما توزع مرتبك فى احتياجات الشهر....
الله اولا ....والباقى برضه بتاعه مش بتاعك
افهم كلمته ...اعطوهم انتم لياكلوا ....
يعنى القبض (الخمس خبرات والسمكتين ) اللى كنت فاكر أنه بتاعك ...بعد ايدين ربنا ما مسكته ...بقيت انت وكيل عليه توزعه عشان الباقى ياكل ....ياكل روحيا ونفسيا وجسديا ...
وافتكر دائما ان البركة مش بكتر الفلوس ولكن البركة بوجود ربنا فى حياتك ...
كل شهر وانت طيب وقريب من يسوع وغنى بالهك...