[walaa farouk]

فى اوقات تقف قدامه متلاقيش عندك غير كلمه واحده تقولها وهى شكراً 🙏

مش لأنك حافظت واخدت بالك وكدا وبس 🙋

لكن شكراً لأنك باسطنى ومفرحنى شكرا لأنك حبيتنى وميزتنى وخليتنى ليك 😘 .
أوقات مايكونش ليك طلبات ووقفتك مفيش منها غرض غير انك تقدم حب 💝

فهو يشوف 👀 قلبك يعجبه 😄 فيقوم باسطك بزياده ودالقلك فيه شويه فرح على شويتين سعاده

على شويات كتير من حضوره إللى يزقططك 😂

ويخليك تحس معنى الايه إللى بتقول ( على الايادى تحملون وعلى الرُكب تدللون كأنسان تعزيه أمه هكذا اعزيكم ) متبقاش فاهم انت واقف ولا بتطنطت ولا فوق طاير 🐦 بس اكيد انك حاسس انك بجد نونو 👶

وبتدلع دلع خصوصى وفوق دا كله تحس كمان باحتواء وحضن 💞

كأنه برضه بيقولك ( واحيط بك كالدائرة ) والاغرب انك تلاقيك بتعيط وبتضحك

من الاخر انت فجأه بتبقى كوكتيل مشاعر بتنفجر منك 😉

وباختصار تانى انت مش انت انت حد مميز 👸

وهو اذا كأن بيقرص او بيسمح بوجع فدا لتشكيلك اذا صدقت عشان يوصلك انك تدرك أن انت طفله المدلل 🚼

عشان يقولك انت بتاعى انت تخصنى انت مكتوب عليك ممنوع اللمس 🚫 او الاقتراب والتصوير📷 .
ادخل مخدعك بيقولك هلما نتحاجج ( يعنى تعالا نحكى سوا ) 🏃

لو دخلت هتدوق إللى عمرك مادوقته 🍲 وهتختبر إللى عمره ماخطر على بالك 😱
هتلاقى نفسك مش بتتكلم لكن بتعزف معاه على اوتار قلبك اجمل الحانك 🎼🎶🎵

اتشجع 💪 وماتخافش هتلاقيه مستنيك بشوق قلبه💞 وهتطلع واخد أحلى مسدجات منه 📮

وادفئ حضن يطمنك ويكمل معاك لغايه ماتدخله تانى 😃
#أفرح_ابوك_مش_اب_عادى