[walaa farouk]

وقَالَ إِسْرَائِيلُ لِيُوسُفَ: «لَمْ أَكُنْ أَظُنُّ أَنِّي أَرَى وَجْهَكَ، وَهُوَذَا اللهُ قَدْ أَرَانِي نَسْلَكَ أَيْضًا». (تك48: 11)
يعقوب (إسرائيل) فضل حوالي 22 سنة معتقد إن يوسف ابنه المحبوب مات من ساعة ما اخواته رموه في البير

... 22 سنة الحزن مافارقهوش وكان عزاؤه الوحيد هو شقيق يوسف (بنيامين)

... وبعد 22 سنة يوسف يتقابل مع اخواته ويبعت يجيب ابوه وترجعله روحه مرة تاني لما يشوف ابنه يوسف ...

وبعدها بحوالي 17 سنة قبل ما يموت يودع يوسف ومعاه ابنيه (منسى وإفرايم) ويقول الآية دي.
أحيانا كتير بيعدي على الواحد فترات في حيانه بيحس فيها إن الدنيا قفلت معاه خالص .

.. مشاكل في شغل ولا دراسة ولا إرتباط ولا عيلة ولا..

. ومع طول المدة والدنيا المضلمة الواحد بيحس إن ربنا إتخلى عنه تماما ... لكن الفكرة إن ربنا بكون شغال في وسط كل الظروف دي ولكن ب (اسلوبه و توقيته) ..

. المطلوب من الواحد إنه (يثق) إن ربنا صالح وصانع الخيرات وإنه بيحل المشكلة في الوقت الأنسب (ملء الزمان) مش اللي احنا عاوزينه ... وإذا الواحد وثق في ربنا حتى إن عدت عليه فترة ضيق طويلة زي يعقوب، في الاخر هيفرح مش بس باللي كان بيتمناه (يشوف يوسف) ولكن باللي أكتر من اللي كان بيتمناه كمان (يشوف أولاد يوسف)