[walaa farouk]

_ لما يكون ليك سند وتسند عليه وماتوقعش.
_ تقابل حد بتحبه صدفة .
_ دموع أهلك لما بتحقق نجاح .
_ ناس عرفتها ولسه ماتغيروش لحد النهارده .
_ صاحب جدع بيعرف يسمعك من غير ميقاطعك و لا يتكلم عن نفسه .
_ النوم تحت البطانية مدفي في الشتا أدام التلفزيون و في ايدك حاجة سخنة .
_ لحظة سكون عقلك يقف فيها و متفكرش في أي حاجة .. كأنك بتلمس روحك بايدك .
_ أول مرتب ليك .. من تعبك
_ لما تلف فجأة و تلاقي حد عجبك بيبصلك .
_ لما يوصلك خبر مش تمام على اللي أذاك و ظلمك ( أه .. أنت مش ملاك )
_ لما تحط ايدك في جيبك و تلاقي فلوس كنت ناسيها .
_ لما تعدي بالصدفة و تسمع حد بيشكر فيك .
_ طريق السفر بالليل و هوة فاضي .
_ حد بتعرف تعد معاه ساعات طويلة من غير متتكلم و لا تفتعل حديث و محدش فيكوا زهقان .
_ أول لبسة لبنطلون جينز شكله حلو عليك .
_ لما تعيط طول الليل و تصحى تلاقي نفسك رايق و مرتاح البال ... (العياط بيطهر الروح )
_ لما تقول لحد سبني لوحدي .. و تلاقيه متبت فيك و رافض يسيبك ...
_ لما تلاقي حد هايموت من الضحك على روحه بسببك .. لما حد يقلك دمك خفيف .
_ لما تتأكد أن وجودك فارق .. و أنك شخص مميز مش كمالة عدد .

حاولوا تشوفوا الدنيا من العدسه الحلوه .. بلاش تحبطوا نفسكوا كلنا هانعيش فتره وماشين ، افرحوا تحت اي ضعط