[walaa farouk]

يعتبر لعازر من الشخصيات العظيمة في الكتاب المقدس
الشخص صاحب القبرين ،، اللي مات مرتين ،، وإتدفن مرتين

قبر في بيت عنيا بأورشاليم واللي اتغير اسمها فيما بعد بالعازرية نسبة لأقامته من الموت
وقبر تاني في لارنكا بقبرص وده القبر اللي اتدفن فيه لتاني مرة بعد ما انهي رسالته

وربنا لما اقامه من الموت مكنش لهدف انه صِعِب عليه من دموع اخواته البنات
لأن ياما ناس بتعيط علي اهاليها وربنا لا يستجيب لدموعهم لأن بالفعل بتكون رسالتهم انتهت
ربنا اقام لعازر علشان يظهر مجده العظيم .. انه واهب الحياة حتى بعد انتان الجسد
وتاني حاجه لأن رسالة لعازر مكنتش لسه خلصت
لإن كان لسه فيه قصة كبيرة مكتوبة لازم تتم .. وهي خلاص نفوس من الموت الروحي ، وشفاء مرضى وكرازة بإسم المسيح
بعد اقامة لعازر من الموت الأول ، ربنا سمح ليه انه يعيش 40 سنه تانيين
منهم 30 سنه اسقف علي جزيرة قبرص اللي خدم فيها فترة كبيرة، قدر يبشر فيها بالمسيحية ، الى ان تنيح واتدفن في قبره الثاني بلارنكا بقبرص

تأكد ان لو رسالتك ماخلصتش ، الموت مش هايطولك ولو بين قضبان القطار 🚈🚃🚆
ولو رسالتك خلصت ، هتموت ولو كنت مستني الفطار ..🍳🍵

• يا سيد لو كنت ههنا لم يمت أخي، لكني الآن أيضًا أعلم أن كل ما تطلب من الله يعطيك الله إياه
•• ألم أقل لك ان آمنت ترين مجد الله .. !
لعازر هلم خارجاً .. وقام لعازر

وانت كمان قم .. طلما عايش تأكد ان لسه رسالتك ماخلصتش

#لعازر_هلم_خارجاً