[walaa farouk]

افرد_دراعك_وصلى
حاولت مرات اصلى بالطريقه دى وانا فارد دراعى بعلامه الصليب .
كانت صعبه جدا عليا . وجربت اصلى ابانا الذى وانا فارد دراعى اتألمت اوى .
وقفت وقلت ليسوع ازاى قدرت تفرد دراعك المده دى كلها وهى مشدوده كمان بالمسامير .

وجسمك كله مشدود على خشبه ومتسمر كده .
دى ولا حاجه تُذكر من اوجاع صليبك ومش قادر اتحملها دقايق قليله .
وافتكرت موسي لما كان فى حرب وكان لازم يفرد دراعه بعلامه الصليب ومكنش بيقدر الوقت كله يكون كده فاحضروا له حجارة كمسند علشان تكون مفروده فى وضعها ليغلب شعبه بعلامه الصليب كرمز لصلب المسيح الذى غلب وانتصر .
جربوا تعيشوا المشهد ده مجرد ثوانى واشكروا ربنا انه فك رباطات ايدينا ورجلينا وسمر هو ايده ورجله مكانا
على الصليب .
ومنرجعش تانى نقيد نفسنا احنا بنفسنا من تانى بعد ما حررنا من الموت .