[walaa farouk]

😂❤️

..
..
..
..

هو انتي مرتبطه ؟!
_ لا
طيب مبتفكريش ترتبطي ؟!
_ معنديش وقت
ازاي بس .. ده انتي كلك جمال ورقه
_ رقة ايه يا عم .. ده انا ضحكتي لوحدها تودي علي سجن طره فرع بوليس الأداب
مظنش .. انتي باين عليكي ان جواكي طفله
_ حضرتك انا جوايا أطفال شوارع انت بس اللي مش واخد بالك
طيب انا ملاحظ ان عيونك دبلانه شويه .. أكيد من كتر العياط
_ لأ عياط ايه دي عينيا معمصه بس علشان لسه صاحيه والأيلانير بهدل الرموش بعيد عنك
هو انا ممكن اقرب منك ؟
_ لأ الجو حر وانا طايقه نفسي بالعافيه اساسآ
مش قصدي .. قصدي يعني ممكن اتعرف بيكي ؟
_ ممكن
طيب احكيلي عن اهتماماتك .. بتعملي ايه كل يوم
_ 10 ساعات نوم و 10 ساعات أكل ..
والساعتين التانيين ؟
_ بفكر اعمل فيهم دايت
وبتعملي ؟
_ لأ بفكر بس
بس انتي جسمك حلو ومش محتاجه دايت
_ تسلملي يا ابن الكدابه
هو انا ممكن ارتبط بيكي ؟
_ ماليش ف الارتباط .. يا ابني انا دبش ولساني طويل و عندي كرش وعصبيه وانانيه وبمشي بالليل وانا نايمه ولا اصلح للارتباط
مش مشكله .. انا موافق .. بس هو انا لو حبيت اجيبلك هديه اجيبلك ايه .. شكولاته ولا ورد ؟
_ ساندوتش شاورما ويبقي كتر خيرك
طيب ممكن رقمك ؟
_ اشمعنا
بصراحه .. انا معجب بيكي من أول نظره
_ نظرة ايه يا ابني .. ده انا عينيا لينسز و شعري اكستينشن وضوافري بلاستيك و جسمي ..
خلاص متكمليش .. انا استاهل ضرب الجزمه اني جيت اتكلم مع واحده زيك
_ حبيب قلبي تسلم .. فين الشاورما ؟!