[walaa farouk]

1- الطيّبين ما بيعرفوش "القساوة " بيسمعوا عنها بس ؛

ما بيتغيّروش ..الناس هي اللي بتتغيّر عليهم ..لأنهم ما جربوش يوجعوا حد ولا يختبروا حد ؛

ولا جربوا يغرّقوا حد في بحور الآذى زي ما بيحصل معاهم ..
2 - الطيّبين مابيعرفوش يتلاعبوا بمشاعر حد ولا قد الخِداع ولا محتاجين يخدعوا ولا يكدبوا ...

مِسلّمين أمورهم لله ..ومفوّضين مَلَفّ حياتهم و مواقفهم و أفعالهم وحُسن نيّتهم لله وحده ...

حتى حقّهم سايبين ربنا وحده هو المُتصرِّف ...
3 - صبرهم مش ضعف ولا قوّة إحتمالهم سَلْبية منهم ...صبرهم وإحتمالهم "قوّة" ..

..قوة و ثبات إنفعالي و إيمان كامل بالقضاء و القَدَر ..
4- الطيّبين مهما ضاعوا جوّا دايرة الخُبثاء .. قادرين يثبتوا كل يوم إنهم أنضف من إنهم يتلوّثوا بِـ قذارة النفوس المريضة..
حافظوا على الطيّبين اللي في حياتكم ...امسكوا فيهم بإيديكم وسنانكم واحساسكم ...مفيش حد ماعندوش حد طيّب في حياته بيتمنى له الرضا يرضى....بس الحياة ومََعاركها عاملين غشاوة على عينيك و الدنيا لهياك عنهم ..
حافظوا على الناس المحترمة اللي بتسامحكم بدون سبب ...و بتتغاضى عن أخطائكم ...وبتعاتبكم ...وباقيين عليكم ...

شيلوا الطيبين جوّا عيونكم و قلوبكم ...بدل ما تندموا على خساراتهم بعد فوات الآوان ...