عنوان ضايع مجهول
بسطور اللّهفة مشغول
بيسأل عن احبابوا
بعتم الدّني غابوا
وتركوا القلب بعصف
الشقا مجبول
غربال من سنين وسنين
ع درب مليان غربة وأنين
بيغربل الإيّام
بيسرق هاك الإحلام
بيزرع بدالها الأوهام
وبيترك ع بيادر العمر
شلحات من خيطان الحمر
مرسومة بريشات مش بقلام
ع طيف رياح مجنونة
من خلف طيّات الغمام
تشرق بلمع البرق
تخبّر عن قصّة عشق
يحتار فيها الخلق
بين هاك الغيمة المارقة ع السكت
وبين عناوين ضايعة
تفتّش ع مفرق هَنَا متروك
بهالمسكونة
[/font][/center]