[walaa farouk]

اكتر دعوة حبيتها ،،
_ ( ربنا يرزقك بواحد متهونيش عليه ) .. ❤
سمعت كتير "ربنا يرزقك بواحد يحبك ويصونك" "ربنا يوعدك بواحد هني وغني" "ربنا يرزقك بواحد يخاف ربنا فيكي" !!
بس هو ممكن يحبني واهون عليه
ممكن يبقى غني واهون عليه
ممكن يتقي ربنا وميعملش حاجة حرام لكن اهون عليه
فكرة انك تبقى ف علاقة عارف ومتأكد انك مش حتهون على الي قدامك مهما غلطت ،، مهما سرحت ،، مهما بعدت ،، مهما حصل هيعمل كل حاجة الا انك تهون عليه .. 💜✋
_ ميهونش عليه زعلك ،، انشغالك ،، سهرك ،، تعبك ،، وحدتك ،، شيلك للهم لوحدك ،، ميهونش عليه حد غيره الي يخفف عنك ،، ميهونش عليه انك تهون عليه ،، ميهونش عليه يبقى الوجع منه مش من الدنيا ،، ميهونش عليه ميبقاش جنبك ف نجاحك او فشلك ..
دي منتهى معاني الامان والحب غير المشروط والله
فكرة انه يبقى قادر يسيبك ،، وقادر يقسى ،، وقادر يفكر ف نفسه بس ويكبر دماغه وميشيلش همك ،، لكن يختار"متهونش عليه" دي تخليك تسيب نفسك ،، تخليك تكسر أى خوف .. 🙊
تخليك واقف على ارض صلبة، تخلي الي قدامك دا مربوط بيك بصلة قريبة لصلة الدم ،، لانها زيها ملهاش نهاية ،، لانك مش حتهون عليه
ربنا يرزقنا ويرزقكم بناس منهونوش عليهم ...