[walaa farouk]

مش اي حد يقولك بحبك يبقي بيحبك .

. بس في حد انت نفسك بتبقي مستغرب هو بيحبك كدا ازاي
هتلاقيه بيشوفك حلو طول الوقت .. طول الوقت حرفياً
حتي ف الاوقات اللي أنت بتبقي حاسس انك فيها شبه الزومبي، لدرجة تخليك تقول إيه ده هو مجنون؟!
مين ده اللي حلو؟ أنا !!
على النقيض هتلاقي حد تاني بيشوفك حلو وقت ما تبقى حلو.

. يعني وقت ما تبقى كل الناس شايفاك حلو، وأنت نفسك بتبقي عارف ان شكلك حلو ،

ومبتبقاش محتاج لا لكلامه ولا لكلام غيره ..
عشان كدا أما بتكون تعبان ويفضلوا يسئلوك أسئلة من نوعية إيه ده شكلك عامل كده ليه؟ وشك أصفر ليه؟ إيه السواد اللي تحت عينك ده؟....

.وكتير من الأسئلة اللي بتمرضك زيادة فوق مرضك.. ف الوقت ده بتبان كل حاجة
بيبان إن الجمال فعلاً في عين اللي شايفك،

وإن عين اللي بيحبك مستحيل تشوف فيك عيب .

. وإن معظم الناس مش عارفة يعني إيه حب أصلاً.