ترنيمة مابتحلاش غير لما نعيشها
لماهر فايز
1
ما بتحلاش غير لما نعيشها
في رضاك وفـ حبك وفـ ضلك
ومايهونهاش غيرك فيها
وانت شايلنا كآب فـ حضنك
2
وماشفناش فيها ضيقة امتدت
إلا وكان لها حدّ وآخر
تضيق ولحظة نقول:”فُرِجت”
لما تقول للضيق:”إتاخر”!
وبتفرح بسلامة عبدك
3
وماشفناش فيها حد يخصك
واتخليت عنه فـ أزماته
ولا أولاده احتاجوا لغيرك
بل أغنيت غيره بخيراته
والناس شهدت فيه لأمانتك
4
وماشفناش العتمة بتقعد
فوق وقتها علشان متحدد
وحتى الظلم إن كان متسيد
يهرب قدام وجه السيد
لما تقوم يتبدد خصمك
5
وما شفنا الشرير اتباهى
وعلا فـ صوته وإيده علاها
إلا وراح بشروره إياها
وإترد فـ ليلة وضحاها
شره عليه وخيرك على شعبك
6
وماشفناش فيها استقرار
ولاراحة ولا حتى ديار
إشتقنا لك والمشوار
طوِّل والأيام دي كتار
إسندنا وصبرنا بقربك