نفسي تبقى وتفضل زكرى جميله
نفسي تبطل تشوه صورتك فى عنيا
نفسي مندمش انى اديتك معزة ولا احس انك مكنتش تستحقها
نفسي احس ان نظرتى الاولى ليك مكنتش غلط او خداعه
نفسي احس انك بتعاملنى لشخصى مش تعاملنى بس وقت المصلحه
نفسي تعمل لكل كلمة تقولهالى حساب مش خوف على زعلى
لكن نفسي احس انك لما بتكلمنى بتكون حاطط فى حسبانك انك بتكلم انسانه
ليها مشاعر وبتحس ممكن تضايق او بجمله منك تتعبها
نفسي لما تقول كلمة تبقي انت اول انسان ينفذها مش تبقي قانون على غيرك وانت مش بتعمل بيها
نفسي اقولك انى ممكن بسببك اكون خسرت حاجات كتير حلوة فى حياتى وناس حبونى وتعبوا علشانى اكتر منك
نفسي اقولك انك زرعت جوايا روح الفشل بسبب تقليلك من شانى فى كل مره نتقابل او نتكلم فيها
نفسي اقولك انى فى قمة الاسف انك من اقرب الناس ليا واللى مهما عملت مينفعش الغيك من حياتى والقدر اجبرنى على كده
بس فى النهايه بقولك مش زعلانه منك لانك بجد علمتنى درس رائع فى سن صغير اوى غيرى كتير بيحسدنى انى مريت بيه واتعلمته