[sama smsma]

المشاركة الأصلية كتبت بواسطة ميرو

اقعدي عليه عشان تدفي هههههه

ههههههههههههههههه اتدفيت دفا ماحدش اتدفاه قبل كدة

سمسمتي
عايزه اعرف شفيعك مين؟
البابا كيرلس والقديسة فيلومينا وام النور العذراء مريم وابونا فلتاؤس

وهل حصلت معجزات او مواقف مع شفيعك او مع اي قديس اخر مع ذكر الموقف بقا ؟
يااااااه ليهم معايا مواقف كتييييييرة
كنت مرة بصلى جوة الكنيسة اللى كنت بشتغل ترميم فيها وبطلب من البابا كيرلس طلب وقولتله لو موافق ابعتلى اشارة انك هاتعمللى الطلب دة لقيت واحدة واقفة ورايا وماسكة جلابية البابا كيرلس كانت جايباها لابونا ف الكنيسة وكانت نازلة من عنده وبتقولى ماعرفش ايه خلانى اجى ادخل الكنيسة تانى بس ليكى نصيب تاخدى منها بركة
فعرفت انها اشارة منه
تانى مرة كنت ماشية ف الشارع وبرضه كان فى بالى طلب من البابا كيرلس انه يقف معايا ف موضوع مهم وقولتله ارجوك رد عليا فى طلبى دة
لقيت وانا ماشية واحد راجل بيوزع صور للبابا كيرلس وادانى صورة للبابا كيرلس
انا وقفت وتنحت بس مش بعيد عليه يفرحنى بطريقة زى دى
والعدرا مريم كلمتنى فى حلم وقالتى على حاجة هاتحصل وقالتلى ماتزعليش لو راحت منك الحاجة دى وبعدها علطول فعلا اللى قالتهولى حصل
والقديسة فيلومينا طلبتها فى موضوع برضه وقولتلها تتصرف بأى طريقة لو منه شر تبعده
تانى يوم علطول الموضوع اتحل
والبابا شنودة برضه عمل معجزة معايا لما طلبته لما اندرو تاه زمان وهو صغير خرج من المدرسة وماكناش لاقيينه وقعدنا فترة كبيرة جدا بعد ميعاد طلوع المدرسة مش لاقيينه و لما طلبته بعتهولى ف نفس الوقت اللى قولتله جيبهولى بأى طريقة دة مسئوليتك
المعجزة دى كنت نزلتها على النت وقتها
وابونا فلتاؤس ليه معايا مواقف حلوة نجانى من الشيطان ومحاربات كتيرة
والملاك ميخائيل ظهرلى وبعد عنى شيطان مسكه وبعده عنى
و مواقف كتير زى كدة
هما دايما بركتهم معانا وحوالينا وبيحبوا يفرحونا بأى طريقة

ميرسي كتيييير يا ميرو يا سكر